قريت أمس خبر يقول
أنو أكثر من 3000 فلاح هندي سيقومون بالانتحار الجماعي. على خاطر الحكومة الهندية
عملت قنطرة و استغلت اراضيهم وقعدت تماطل فيهم أكثر من أربعة سنين.
كي قريت الخبر
اتذكرت معاناة الفلاحة التوانسة اللي يعملولهم قانون انتزاع لفائدة المصلحة العامة باش يعديو كياس و الا "أوتو روت" و يفكولهم أرضهم و من بعد يخليوهم يجريو ما بين الادارات باش يكونوا الملف و في
الاخر اذا لطف بيهم ربي و تقبل الملف يقعدوا سنين باش يعطيوهم معلوم رمزي ، و اذا
مرضاوش بيه ينجموا يعملو قضية في المحكمة اللي في أغلب الحالات تحكم بنفس المبلغ .
و هكا يلقى الفلاح روحو ضيع الوقت و سنين ولاهو من أرضو و لاهو من فلوسو. وهكا
يزيد يمرض و الا تجيه جلطة و الا يقعد حياتو الكل وهو مغبون.
الظاهر انو معاناة
الفلاح موش كان في تونس ، يظهرلي الفلاح طلع مغبون في جميع دول العالم.
0 التعليقات
